Tripura police-ten journalist hmeichhe 2 lakah FIR ziaklut

Tripura police-te chuan nimin khan tun hnaia state chhunga buaina chhuak chungchang ziaktu, journalist hmeichhe pahnih Swana Jah leh Sarmiddhi Sakunia-te lakah FIR a ziak lut.

Police-te hian right-wing group, Vishwa Hindu Parishad (VHP) thlawptu Kanchan Das-a complaint thehluh behchhana ziah luh a ni. Das-a hian Sakunia leh Jha-te hian Pual Bazaar area-a Muslim mite an tlawh ṭumin, Hindu-te huatna thu leh, mipuite fuihpawrh hawi zawngin thu an sawi a ni, a ti. Das chuan journalist-te hian mosque hal a nih chungchangah Vishwa Hindu Parishad leh Baijran Dal-te chu an mawhpuh a ni, a ti bawk.

Tripura police-te hian tualchhunga buaina chhuak kaihhnawihah social media lama thil post vangin tun hnaiah mi tam tak thubuai an lo siamsak tawh a, an zingah hian Supreme Court lawyer leh activist-te pawh an tel.