PM-in Tripura-a mite tan PMAY-G first instalment pe chhuak

Prime minister Narendra Modi chuan Pathianni khan video conferencing kaltlangin Tripura-a beneficiary nuai 1.47 chuangte hnenah Pradhan Mantri Awas Yojana - Gramin (PMAY-G) first instalment a pe chhuak.

PMAY-G hi sorkar laipuiin kum 2022-a India-in zalenna a hmuh aṭanga kum 75 a tlin huna chhungtin ten in an neihna tur, 'housing for all' atana a hmaakna a ni. Pathianni hian Tripura-a he scheme hnuaia hamṭhatna dawng turte bank account-a direct-a sum pek chhuah hi cheng vaibelchhe 700 chuang a tling.

Prime Minister Modi chuan PMAY-G first instalment pek chhuah chuan Tripura bakah hmarchhak pumah mi tam tak beiseina siamin, inthlak danglamna nasa tak a thlen a ni, a ti. Tripura chief minister Biplab Kumar Deb pawh sorkar kalphung a ṭha zawnga a thlak danglam avangin lawmthu a hrilh bawk.

Centre-a sorkar hmasate sawisel zuiin, PM chuan hmarchhak bial tana policy an siam ṭhinte chu Delhi khawpuiah, inkharkhip tlat chungin an siam ṭhin a ni tiin, hmarchhak bial tana remchang lo tur takte chu kalpuiin an hlawhtlinpui thei lo a ni, a ti. Tunah erawh chuan hmarchhak bial milin, an mamawh dan angin policy-te siam a ni tawh a ni, tiin a sawi.