Manipur-a AR convoy ambush-na NIA-in chhui dawn

Manipur-a Assam Rifles convoy ambush-na thleng chungchang National Investigation Agency (NIA) in a chhui dawn nia sawi a ni.

Kar liam ta Inrinnia A Churachandpur district-ah khan firfiakten AR convoy an lambunnaah 46 Assam Rifles commanding officer, Col Viplav Tripathi, a nupui leh a fapa kum riat mi bakah quick reaction team-a sipai pali an thi a ni. Manipur Naga People's Front (MNPF) leh People's Liberation Army (PLA) chuan sipai convoy beitu an nih thu an sawi.

Pawikhawihna thlen hnu hian border security-te chuan ramriah venhimna tikhauhin, kawngte pawh an dang vek a ni. He thil thleng chhui hna hi NIA kutah hlan a ni dawn a, thupek an nghak mek a ni.

AR convoy ambush a nih hnua AR Phundrei Battalion leh Manipur police-ten joint operation an neihah, Indo-Myanmar border bula Kakching bial chhungah ralthuam ṭhahnem tham tak an man. Bag chhunga M79 Grenade Launcher round 20 thuruk chu manin, hengte hi bomb disposal squad kutah an hlan.