AP-ah AR-ten hel pathum kaphlum

Arunachal Pradesh-a Longding district-ah Thawhṭanni khan Assam Rifles sipaiten NSCN(K-YA) helpawl member pathum an kaphlum.

AR lam hian Lahu khuaa mi pahnih rubotu, hel 8-10 vel chu Khonsa-ah an awm tih thu an dawn bawhzuiin helho man tum hian an thawkchhuak nghal a ni. Helten an rukbo mi pahnih, Lahu khaw hotu Ranwang Lwang leh Sunwang Hakhum-te pawh him taka chhanchhuah an ni bawk.

Hel an thahte hi Myanmar mi nia sawi a ni a, an hming erawh puanzar a ni lo. An inbeihna hmun aṭang hian security force-te chuan assault rifle pathum an man a, heng zingah hian German siam HK (Hacker Kosch) rifle pakhat bakah silai mu ṭhahnem tham tak a tel.