HC in Guwahati tlangval pahnih thah case-ah official detail duh

Karhnih chhungin chhana beisei
Gauhati High Court chuan kar hmasa Zirtawpni zana Guwahati tlangval pahhih Karbi Anglong-a thah an nih chungchangah suo motu public interest litigation (PIL) an la.

Chief Justice Ajit Singh leh Justice Achintya Malla Bujor Barua-te kaihhruai bench chuan Nilaini khan thuchhuah siamin pawi khawih­tute man an nih theih­na atan hmalak dan leh pawi­ khawitute laka action lak a nih dan an hriat duh thu an tarlang.

State sorkar aiawhin chief secretary, home leh politi-cal department princi­pal secretary, director-general of police, Karbi Anglong deputy commissioner leh supe­rin­tendent of police bakah officer-in-charge, Dokmoka police station te chu he case respondent atan ruat an ni.

Couet chuan respondent-te hi karhnih chhunga report thehlut tuin thupek an chhuak nghal bawk.

Bench thuchhuah chuan Karbi Anglong-a tlangval pahnih thah an nih dan chu Assam mai ni lo, ram pumpui mai ni lo ramdang media-te pawhin an dem thu an tarlang. Assam state chu a mipuite venghim tur a nih laiin he case-ah hi chuan a hlawhhhcam a ni, an ti.

Hemi anih avang hian he case-ah hian PIL ziaklutin suo motu hriatpuina an lak tih an sawi.

High Court chuan June 19-ah case hearing nei turin thupek an siam bawk a ni.