Manipur: Maoist-ten school kawtah bomb an kam thu sawi

Maoist Communist Party Manipur chuan Imphal Valley Academy, Ghari kawtah ‘lethode bomb’ an kam thu an sawi.

Bomb kamtu hi Maoist Communist Party Red Guard te an nih thu an sawi bawk.

Kyonghan Mangang coordinator stan­ding committee thuchhuah chuan private school hautak tak te chu pawisa siam nan hman a ni tur a ni lo, an ti.

An thuchhuah chuan Imphal area chhunga private school, class XII standard thleng awm chuan admission fee cheng 20,000 an lak thu a sawi a, an thla khat fee pawh cheng 1800 aṭanga cheng 2000 vel a nih tawh thu an sawi. Hemi anih avang hian mi rethei te chuan an fate school kaltir pawh harsa an ti tawh tih an sawi bawk.

Maoist-te chuan hemi a nih avang hian warning pekna atan Imphal Valley Academy kawtah bomb an kam ta niin an sawi.

An thuchhuah chuan zirlaite chuan thil dik lo tak tiah an ngai maithei, mahse a nihna diktakah chuan heng zirna in te hi sum siamna hmunah a chang tawh tih sawiin an lakah complaint thehluh loh phei chuan a nasa lehzual dawn niin an sawi bawk.

Private school-te chuan an kalphung an thlak a nih loh chuan a aia nasa zawka chet lak an tum tih an sawi bawk.