AP sorkar in ‘Smart Village’ siamna tur inremna ziak

Arunachal Pradesh sorkar chuan Nilaini khan ‘smart village’ siamna tur memorandum of understanding (MoU) chu Smart Village Movement a ziahpui.

Inremna hi Neelam Yapin Tana, director-cum-member secretary, State Council for IT and e-gover­nance leh Shreya Evani, pro­ject director, Smart Village Movement ten an ziak.

‘Smart village’ project hi thingtlang khaw thlan bikah kalpui a ni dawn a, technology innovation leh research lamah hma­sawnna neihna tura tih a ni.

Shreya Evani chuan Assembly constituency 60 awmah a daihzai thei ang berin khaw 100 an thlang dawn tih sawiin sorkar pawh an rawn dawn tih a sawi.

Shreya chuan core team an din dawn thu leh anni hian hna hi an thawk dawn tih a sawi a, core team a tel tur zawnna advertisement-te pawh tualchhung chanchinbu leh media-ah te tihchhuah a ni tawh tih a sawi bawk.

Inremna ziahna hunah hian Chief minister Pema Khandu, deputy chief mi­nister Chowna Mein leh chief secretary Satya Gopal te pawh an tel a ni.