Meghalaya: Congress in Danggo-an party a chhuhsan dawn loh thu sawi

Congress thupuangtu Zenith M Sang­ma chuan Ranikor constituency-a Cong­ress MLA Martin M Danggo chuan Congress a chhuahsan dawn loh thu a sawi.

Hetiang hi ni mah se Martin M Danggo hian Congress chhuahsana Nationalist People’s Party (NPP) zawm a rilruk thu a lo sawi tawh a, heti chung hian Congress hian a chhuahsan dawn loh thu an la sawi tho a ni.

Zenith Sangma chuan politics-ah chuan engmah thuchiang a awm lo tih sawiin an party MLA zawng zawng chungah rinna an nghat tih a sawi. Danggo pawh politician puitling a ni tawh a, thutlukna dik lo a siam lo ang, a ti bawk.

Thawhlehni-a Chief Minister Conrad K. Sangma-an Ranikor a tlawh ṭuma Ranikor Unit Congress ten an party flag la thlaa a huho-a NPP an zawm chungchang media ten an zawhna chhangin Congress thupuangtu chuan flag lakthlak chu inhmuhsitna leh inngaihnepna a nih thu a sawi a, tupawhin party dang an zah tur a ni, a ti.