Vice President in Arunachal Pradesh tlawh

Vice President M Venkaiah Naidu chuan Zirtawpni khan Arunachal Pradesh a tlawh a, Inrinni thleng kha a cham a ni. Hei hi Venkaiah Naidu-an Aru­na­chal a tlawh vawikhatna a ni.

Governor BD Mishra chuan vice president hi Raj Bhavan-ah lo hmuakin Arunachal Pradesh Police-te chuan zahna chibai an lo buk.

He hunah hian Chief Minister Pema Khandu, Deputy Chief Minister Chowna Mein, Chief Secretary Satya Gopal, cabinet minister-te bakah senior officer-te pawh an tel. Vice President hian governor, chief minister, deputy CM leh chief secretary-te titpuina hun leh kawmna hun a nei bawk.

Venkaiah Naidu hian Aruna­chal Pradesh a cham chhung hian seepage management system leh storm water drainage system siamna tur lungphum a phum a, Inrinni khan Nirjuli-a North Eastern Regional Institute of Science and Technology research scholar-te leh faculty member-te hmaah thu a sawi bawk a ni.