Tripura: State police in GPS cop patrol van 14 tlangzarh

Tripura Police-te chuan Inrinni khan mo­bile police patrol van, GPS dahna chu an tlangzarh.

Heng van-te hi emer­gency-ah leh thil pawi­mawh zualah te chak taka hma an lak theihna tur a nih thu an sawi.

Tlangzarhna in­khawm, Tripura police head­­quarters-a neihah hian Chief minister Biplab Kumar Deb chuan thu sawiin a kaihhruai sorkar chuan mipuite tana rintlak sorkar siam tura hma an lak mek zel thu a sawi a ni.

BJP-IPFT sorkar chuan Tripura chu “corrup­tion leh pawikhawihna awm lohna” state-a siam turin hma an la tih a sawi bawk.

An sorkar chuan inṭhendarh lam hawi zawnga hna an thawh loh thu sawiin mi zawng zawng tana hna an thawh duh thu a sawi. Tuna an van tlangzarh ang pawh hi a hma aṭang daih tawha tihtheih a nih laiin sorkar hmasa, Left front chuan an tih duh loh thu a sawi a, thil a inthlak danglam tawh a ni, a ti.

Mipuite chuan an phone ah 100 an dial chuan police-te chu rang takin an thleng nghal dawn, a ti bawk.

Police-te chu mipui tan an din dawn thu a sawi bawk a ni.