Tripura-in aviation fuel-a VAT lak tihniam

Tripura sorkar chuan aviation fuel-a Value Added Tax (VAT) a lak chu 16% aṭangin 1%-ah a tihniam.

State cabinet chuan Maharaja Bir Bikram Airport Agartala chu international airport status pek a nih hnuah he thutlukna hi siamin, VAT tihhniam vang hian kum khatah state sorkar chuan a sum hmuh tur cheng vaibelchhe 2.67 vel a chan dawn tih information and cultural affairs minister Sushanta Chowdhury chuan a sawi.

Sorkar hmasa khan aviation fuel-ah hian VAT hi 18% ala ṭhin a, kum 2018-a BJP sorkar a din khan 16%-ah a tihniam nghal a ni. Mahse hei hi nasa taka tihniam lehin, 1% chauh ala tawh dawn a, hei vang hian MBB airport-a thlawhtheihna ṭum pawh an pun phah ngei an beisei thu Minister chuan a sawi bawk.