Shillong-a Motphran-ah Godown chhawngli a kang chhia

Meghalaya state khawpui Shillong-a Motphran-ah Pa­thianni tlai dar 5 vel khan godown chhawng li-a sang chu a kangchhe vek.

Police-te chuan godown neitu hian a tirin a phone charge a phawi loh avanga short circuit awmin a thlen nia a sawi hnuah a thu hi sut lehin misual ṭhenkhat in a godown chahbi hi laksakin an hal niin a sawi leh tih an tarlang.

Police-te chuan bungrua an chan zat hi chhut a la nih loh thu sawiin a tam tham an ring hle a, kangmei chhuah pawh an chhuichian nghal thu an sawi bawk.

He thil thlengah hian thi leh hliam erawh an awm lo nia report a ni.

Motphran hi Shillong buaina chhuah ṭanna hmun khan a ni a, tun thla tir khan bus operator-te leh mipuite intihbuai avangin tualchhung buaina nasa tak a chhuak a, hunrei tak curfew puan a nih bakah internet service-te pawh block a nih phah a ni.