AP: SUMAA in Tibetan raltlante laka a dinhmun tichiang turin sorkar nawr
Students’ United Movement of All Arunachal (SUMAA) chuan Arunachal Pradesh sorkar hnenah ni 15 chhungin Tibetan raltlan te laka a rilru puthmang leh a dinhmun tichiang turin a hrittir.
SUMAA chuan chief minister office chu an ngenna te ngaihsak loah a puh. Tibetan Rehabilitation Policy (TRP)-2014 chungchang ngaituah tura a ngenna chu a ngaihsak lo hle tih an sawi a, Tibetan raltlan te chungchang ngaihtuah chu tihkhawtlai chi a ni tawh lo nia sawiin tihkhawtlai an remti tawh dawn lo tih an sawi. Chakma-Hajong raltlan te chungchang pawh tihkhawtlai an remti tawh dawn lo tih an sawi bawk.
Kar hmasa Zirtawpni khan SUMAA chuan Chief Minister Pema Khandu hnenah lehkha thehlutin an lehkha thehluhah chuan CM chu music festival, food festival leh huau huau lam thilah chauh a buai thu ziakin Tibetan raltlan te chungchang leh nghawng ṭha lo tak a neih te chu a ngaihsak lo hle tih an ziak bawk.
Zirlai pawl chuan Tibetan raltlante chu hun lo kal zel turah pawh India khua leh tui nihna chanvo ang an phut lo tih ziak ngei dah tura an phut thu an sawi bawk.