Guwahati University zirlai ten fake news laka invenna turin hma la

Assam-a Guwahati University zirlaite chuan social media movement neiin fake news laka in­venna turin hma an la.

June 8-a social media-a thu dik lo theh darh avanga an nunna hial chan ta Nilotpal Das (29) leh Abhijit Nath (30)-te avanga he movement hi neih a ni.

University Post Gra­duate Student Union Ge­ne­ral Secrertary Mon­jit Sharma chuan Pathianni khan tlangval pahnih rawng taka thah an ni chu pawi a tih thu leh internet lama thuthang dik lo, naupang rukbo ching nia puh an nih avanga thah an ni chuan a ṭhawng takzet tih a sawi. June 12-a heng tlangval pahnihte sunna hun an hman naah social media dik lo taka hmanna laka invenna tura hma la turin thutlukna an siam ta tih a sawi. Mi pathum pali ve hnena helam hawi zawnga awarness neih chu mitin tan thil tih harsa a nih lo avangin movement pawh hi neih vat a ṭul kan ti a ni, a ti.

Monjit Sharma chuan All Assam Students’ Union general secretary Lurin Jyoti Gogoi, assistant commissioner of police Ponjit Dowarah leh entrepreneur Shyamkanu Mahanta-te chu facebook lama hma lo lakpui tura an ngen thu a sawi a, anni pawhin an remtih tawh thu a sawi. An vice-chancellor Mridul Kumar Hazarika, registrar Suresh Kumar Nath leh zirtirtu eng emaw zat pawhin an thlawp tih a sawi bawk.

Assam-a Karbi Ang­long district-a Guwa­hati tlangval pahnih thah an nih thubuaiah hian tualthah case in mi 30 an man tawh a, midang 30 vel chu internet lama thu dik lo thehdarh case avangin an man tawh bawk.

Das leh Nath-te hi June 8 khan Karbi Ang­long district-a Panijuri thingtlang khuaa sight seeing nei tura an kal chu naupang ruk bo hmang nia puh an nih avangin mipuiin an sawisa hlum a ni.