Assam CM-in SEBA leh AHSEC chhunfin a ni dawn tih a puang

19th November, 2021

Assam chief minister Himanta Biswa Sarma chuan kum 2022-ah Board of Secondary Education, Assam (SEBA) leh Assam Higher Secondary Education Council (AHSEC) chu chhunfin an ni dawn tih a puang.

Elementary Education leh Secondary Education department-ten function an neihah Chief Minister chuan he thu hi sawiin, high school pawh Higher Secondary (HS) school-ah leh vek an ni dawn tih a sawi. Himanta Biswa Sarma chuan hemi chungchang hi a twitter-ah a tarlang zui bawk.

A thawh khatna atan high school 1,000 vel chu higher secondary school-ah leh an ni dawn a, lower primary school zawng zawng pawh an bul hnaih bera Middle Englisth (ME) school-te nen chhunfin an ni dawn bawk. Hei hi zirlai bang (dropout) awm ṭhin venna atana tih a ni.