Ramchhung GDP-ah hmarchhak ten hma an sawn nasa : Amit Shah
BJP national President Amit Shah chuan Thawhṭanni khan hmarchhak state te chuan ramchhung GDP-ah hma an sawn thu a sawi.
Amit Shah chuan Congress chuan hmarchhak chu ramchhunga hmasawn muang berah an siam tih sawiin tunah erawh hma an sawn tawh hle tih a sawi a, nakin lawkah chuan ramchhung GDP-ah a thawhhlawk ber an la nih thuai dawn a ni, a ti. Shah chuan hei hi Prime Minister Narendra Modi hmathlir ṭha tak vang a nih thu a sawi bawk.
BJP President hian Guwahati-a cancer care hospital 19, sorkar leh Tata trust ṭawngkawp ten an dinna tur lungphum phumna hunah thu sawiin Assam-ah chuan BJP chu kum hnih chiah la sorkar mah se hmasawnna nasa tak hmuh tur a awm tih a sawi.
He hunah hian Assam Chief Minister Sarbananda Sonowal, Arunachal Pradesh Chief Minister Pema Khandu leh Tata Trust chairman Ratan Tata te pawh an tel a ni.