Nagaland CM in NSCN(K)-te pawikhawihna thlen tawh lo turin ngen ; Inkahhai puan chhunzawm leh duh

Nagaland Chief Minister Nei­phiu Rio chuan Thawhṭanni khan hel pawl National Socialist Council of Nagaland- Khaplang (NSNC-K) kuta thi Assam Rifle sipai pahnih te chu a tawrhpui thu a sawi.

Neiphiu Rio chuan Pathianni-a hel ten Assam Rifle patrol-te lo lambuna thah an ni hial chu pawi a tih thu sawiin pawikhawihna thleng chu a dem thu a sawi bawk.

Chief Minister chuan Naga politics buaina chinfelna tur zawn a nih mek laia hetiang thil a thleng hi pawi a tih thu a sawi a, PDA sorkar chuan remna zawnga an theihtawp an chhuah thu a sawi.

Rio chuan NSCN(K)-ten chu pawikhawihna thlen tawh lo turin a ngen a, sorkar nena inkahhai an puan pawh chhunzawm leh tura a duh thu sawiin inbiakna neih ṭha tih thu a sawi a ni.

Pathianni khan Mon district-ah Assam Rifle patrol te chu lambun niin mi pahnih thah an ni a, mi pali in hliam an tuar bawk. He inlam­bunna hi NSCN(K) chuan an tih a nih thu an sawi nghal bawk.