AP : Chief Minister in Cancer damdawi in din turin Tata ngen

Arunachal Pradesh Chief Minister Pema Khandu chuan Tata Trusts Chairman Ratan Tata hnenah an state chhunga cancer damdawi-in din turin a ngen.

Thawhṭanni-a Guwahati-a BJP President Amit Shah-an Assam-a cancer damdawi-in 19 dinna tur lungphum a phumnaah khan Arunachal chief minister leh Tata Trust chairman hi an tel a ni.

Hemi ṭum hian Khandu leh Tata-te hian inkawmna hun an nei a, Khandu chuan an dam lo te chu Mumbai-a Tata Memorial Hospital and Cancer Research Institute-ah an kal vang vang ṭhin thu a hrilh a, sum tam tak an sen ṭhin thu sawiin Arunachal-ah cancer centre din a nih chuan mipui ten nasa takin an chhawr dawn tih a hrilh.

Ratan Tata pawh hian a thu­phung chuan Arunachal Pradesh-a cancer damdawi-in din ve chu a remti niin an sawi a, Arunachal tlawh a, project kalpui dan tur enfiah pawh a remti niin an sawi.

Pema Khandu chuan central-a sorkarna siam mek BJP chuan mipuite ṭhatna tur nasa takin a ngaihtuah tih a sawi a, tunhnaia hmarachhaka hmasawnna nasa tak awm chu PM Modi-a Act East Police vang a nih thu a sawi.

Assam-a cancer damdawi-in din tur hi Assam state sorkar leh Tata Trust-ten inthurualin an din dawn a ni.