Manipur BJP hruaitu ruihhlo vangin man

Manipur-a Bharatiya Janata Party (BJP) hruaitu Lutkho­sei Zou chu Nilaini khan ruihhlo a kawl avangin Narcotics and Affairs of Border (NAB) ten an man.

Lutkhosei Zou kut aṭang hian ruihhlo, heroin leh World is Yours (WY) tablet tam tham tak mai man a ni a, an ruihhlo man zawng zawng hi cheng vaibelchhe 27 man hu vel nia chhut a ni.

Zou hnen aṭang hian ruihhlo mai bakah hian pistol pakhat, rifle pakhat leh silai license pahnih leh bank passport pariat an man bawk.

Lutkhosei Zou hi Chandel district-a autonomous district council Chairman a ni a, ani bakah hian midang pasarih Esther Vungheinuam, Mung Zou Aric, Teresa Ngaite Nengboi, Lawrence Zou, Minlal Mate, Sio Jamthang Mate leh Mt Jamkhohao, council chairman public relations officer-te chu man an ni bawk.