Tripura state local body leader 2000 chuang bang ; CPI-M in mawhphurtu-ah sorkar puh

Tripura Deputy Chief Minister Jishnu Dev Varma chuan Nilaini khan state local body leader seat 2000 chuang a ruah thu a sawi.

Jishnu Dev Varma chuan Zilla Parishad, Panchayat Samity leh Gram Panchayat seat 2,133 a ruah thu sawi. Eptu pawl CPI-M chuan BJP leh IPFR ṭangrual sorkar chu heng seat ruah chhanah hian a puh.

Communists Party of India-Marxist (CPI-M) MLA Sudhan Das chuan BJP kaihhruai sorkar in hnehna an chan hnuah Left hruaitute chu nasa taka beih an nih vangin heng local state body hruaitu eng emaw zat hi an ban phah tih a sawi.

Hetih lai hian Verma chuan a hnenah eng complaint mah mumal taka thehluh a awm loh thu sawiin an ban chhan hriat a nih loh thu a sawi thung.

Sudhan Das chuan municipal coun-cil ṭhenkhata Chairman leh member thlanchhuah te chu BJP leh IPFT member ten an beih avangin an bang a ni, a ti.