Meghalaya: Danggo-an Congress chhuahsan ta

Meghalaya Congress MLA, Ranikor constitu­en­cy bialtu MM Danggo chuan Nilaini zan rei tawh takah khan Congress aṭanga a banna a thehlut.

Danggo hian Congress hi a chhuahsan dawn niin thu a thang reng tawh a, a ban leh lawk si loh avang hian zawhna a tam hle a, Nilaini chawhma lam khan a banna a thelut dawn nia sawi awmin zan reiah a thehlut ta zawk a ni.

Deputy Speaker Timothy D Shira hnenah a banna hi a thehlut a, mi tam takin mak an ti hle.

Meghalaya Deputy speaker chuan zan rei tawh takah a hnenah banna a thehluh thu sawi a ni.

Nimina cabinet mee­ting neihah Ranikor Civil Sub Division siam chungchang sawi rin a ni a, Cabinet hian sub Division siam hi a pawm hnuah Danggo pawh hi a ban rin a ni a, mahse beisei aia hma in a banna hi a thehlut a, hei hian mi tam tak a barakhaih hle.

Ranikor constituency biala Congress worker te hi kar hmasaa Chief Minister Conrad K. Sang­ma-an an constituen­cy a tlawh ṭum khan a huho in an bang tawh bawk a, congress flag an zar pawh la thlain NPP flag an lo zar tawh nghe nghe.

Heti hian Meghalaya-a Assembly seat 60 awmah Congress hian seat 20 chiah a nei ta a ni.