Civil Aviation Ministry-in AP-a Airstrip thar 2 siamna tur pawm

Ministry of Civil Aviation chuan kar liam ta Inrinni khan Arunachal Pradesh sorkarin rawtna a thehlutte chu a thuphungin a pawmsak a, heng zingah hian Airstrip thar pahnih siamna tur pawh a tel.

Arunchal Pradesh sorkarin sorkar laipuia rawtna a thehlutte zingah Itangar bul Hollongi-a Aviation Security Training Instittute din te, Upper Sabansiri district-a Daporijo leh West Siang district-a Aalo hmuna airstrip thar siamte a tel a ni. Airstrip siamna tura a rawtna hmunte hi Civil Aviation Ministry-a inter-ministerial team pawhin an lo endik tawh a ni.

December thla aṭangin Alliance Air chuan state chhungah commercial passenger flight a service tawh dawn a, air-connectivity tihlenna turin Aviation Ministry chuan Regional Connectivity Scheme-Ude Desh Ka Aam Naagrik (RCS-UDAN) tender tihchhuah leh tura Arunachal Pradesh-a helicopter route pawh telh a tum bawk.

State civil aviation minister Nalo chuan ram chhunga hmarchhak bialah air connectitivy changtlung zawk siam tura union ministry hmalakna chu lawmawm a tih thu a sawi. Defence leh civil tana hman theih tura Anini leh Dirang-a state sorkarin airstrip siam a rawtna Defence ministry in a ngaihtuahsak a remtih avangin lawmthu a sawi bawk a ni.