Manipur-a Tribal Freedom Fighters Museum lungphum phum

Union home minister Amit Shah chuan nimin khan video conference kaltlangin Manipur-a Rani Gaidinliu Tribal freedom fighters Museum siamna tur lungphum a phum.

Museum hi Tamenglong district-a Luangkoa khuaah siam a ni dawn a, he project atan hian sorkar laipuia ministry of tribal affairs chuan cheng vaibelchhe 15 a pe a ni.

Tribal affairs ministry chuan state cabinet chuan freedom fighter Rani Gaidinliu-i pianna khua, Luangkao khuaah a hming chawiin tribal freedom fighter-te puala museum siam hi an rel tih a sawi. Rani Gaidinliu khi kum 1972 khan Tamraptra chawimawina hlan a ni a, 1982-ah Padma Bhushan, 1983-ah Vivekananda Sewa Summan, 1991-ah Stree Shakti Purashkar leh a thih hnuah kum 1996 khan Bhagwan Birsa Muna hlan a lo ni tawh a ni.

Kum 1996 khan sorkar laipui hian Rani Gaidinliu pual hian Commemorativ Stamp a lo tichhuak tawh bawk a, kum 2015 khan a piancham pualin India ram Prime Minister-in Rs 100 leh Rs 5 Coin a tlangzarh bawk.