NFR in tui level san leh san lo hriattirtu technology hmang

Northeast Frontier Railway (NFR) chuan Assam state khawpui Guwahati-a Saraighat Rail-cum-Road Bridge-ah tui level san leh san loh hriattir theitu technology an hmang thar.

He technology hmang hian Railway hnathawkte chuan tui level san leh san loh awlsam takin an hre thei dawn a ni.

System thar an dah hian Brahmaputra tui level a san leh san loh chu a en fiah reng dawn tih NFR Chief Public Relation Officer P.J. Sharma chuan Thawhṭanni khan sawiin, tui level hi a san chuan an mobile phone-ah SMS an dawng mai dawn tih a sawi.

Track Management System (TMS) nen hman­dun thuai a nih dawn thu sawiin, NFR chuan bridge dang 10-ah dah ve thuai a ni dawn tih a sawi bawk.

NFR Chief Public Relation Officer chuan hemi hmang hian thil pawi thleng thei lakah a inven theih dawn niin a sawi a ni.