Tripura: BJP leh IPFT inkar buaina reh lo

Tripura-a rorellai, Bharatya Janata Party(BJP) leh Indigenous People's Front of Tripura (IPFT) inkara buaina neuh neuh awm chuan ziaawm lam a pan thei lo.

Pathianni khan IPFT worker ṭhenkhat chu BJP activist Arup Deb kaihhruai mi ṭhenkhat ten Unakoti District-ah an lo bei a ni. IPFT-te hi Kailashahar police station pana kal an ni a, an kalkawngah hian BJP worker-te hian an lo bei a ni.

Police-te chu buaina thlenna hmun­ah hian an tlan phei nghal a, Unakoti District Police Supe­rintendent, SP Lucky Chauhan leh Kailashahar sub-divisional police officer Rajib Sengupta-te pawh a hmunah hian kalin buaina chhuak hi an bengdai thei niin report chuan a tarlang.