Assam : Governor-in Diburgarh University VC a ban

Assam governor Prof. Jagdish Mukhi chuan sum tichingpena puh, Dibrugarh University vice-chancellor Prof. Ranjit Tamuli chu Thawhṭanni khan a ban.

Governor's Secretariat chuan university Chancellor a nihna angin Governor hian VC chhui chiang tura high-level committee a dinin inquiry report a thehluh hnuah he thupek hi a tichhuak tih a sawi.

Kumin February thla khan VP Prof Tamuli hi university sum tichingpenah puh a ni a, February 24 khan an puhna chhui chiang turin high-level committee hi din a ni. June 4-a Gauhati High Court in thupek a tihchhuah hnuah VC hi chhui chian a ni a, September 20 khan report an thehlut a ni. High-level committee member atan hian Gauhati High Court judge hlui Indira Shah, Gauhati University-a Prof MP Bezbaruah, Principal Account General office-a senior accounts officer (retd) Dilip Kumar Dutta-te ruat an ni.

Committee hian kum nga chhunga Prof Tamuli-a'n sum a khawih chet dan, eirua puhna leh a thuneihna dik lo taka hmanga puh a nihnate an chhui a ni.