NPP hotu Conrad Sangma-a'n Manipur poll campaign hawng

Meghalaya chief minister leh National People's Party (NPP) hotu Conrad K Sangma chuan Thawhṭanni khan Manipur assembly inthlan, nakkuma neih tur atana an party election campaign chu Imphal-ah a hawng.

Sangma hian 12th Manipur Legislative Assembly, 2022-a neih tura an party candidate tur Sheikh Nooruk Hassan nen campaign bul ṭanna tur hi an hawng a ni. Meghalaya MLA pahnih Thomas Sangma leh Marcuise Marak-ten an ṭawiawm a ni.

NPP hotu hian election meeting pahnih, Kshetrigao constituency leh Yaiskul constituency-ah buaihsaihah thu a sawi bawk a, meeting-ah hian mipui tel pawh an ṭhahnem hle. Sangma chuan Manipur-ah NPP chuan thlawptu an neih ṭhat a rin ngei a beisei thu sawiin, NPP chu hmarchhak bial tana thawktu a ni tih a sawi a, hmarchhak bial hmasawnna turin theihtawp an chhuah zel dawn tih a sawi a ni.

"Manipur te, hmarchhak bial pum tante hmathlir ṭha tak kan nei a, heng kan hmathlirte tihhlawhtling a nih theihna atan mipuite min thlawpna kan mamawh a ni," a ti. Manipur mipuite NPP chu an thlawp ngei a beisei thu a sawi.