SC-in Tripura civic poll sawn hlat ngenna hnawl

Supreme Court chuan November 25-a Tripura civil body inthlan neih tur sawn hla tura ngenna a hnawl. Hemi rual hian inthlan neih tur kaihhnawiha buaina a thlen fo avangin state sorkar hnena venhim hna thawktu dah belh dan ngaihtuah turin a ti.

Inthlan neih tura boruak ṭha leh zalen taka kalpui a nih dan tur chungchangah ruahmanna an siam dante thehlut turin Tripura DGP leh home secretary-te pawh a hriattir nghal bawk.

Trinamool Congress-in chief minsiter Biplab Kumar Deb awm lai ngeiin inhuatna chawk chhuak zawngin BJP MLA pakhatin thu a sawi nia an puhna chu sawifiah turin Tripura sorkar a hrilh bawk a ni.

Tripura-a civil body inthlan neih tur kaihhnawihah eptu party-ten beih an tawk leh, hruaitute man an nih fo chungchanga TMC-in Supreme Court-a petition a thehluh chu Thawhlehni khan court hian a ngaihtuah a ni. TMC chuan an party hruaituten chuan beih an tawh fo bakah, campaign pawh phalsak an ni lo tih an sawi.

November 11 khan Supreme Court chuan Tripura-a BJP sorkar hnenah local body inthlan neih tura eng political party pawh boruak ṭha tak hnuaiah an campaign phalsak vek turin a lo hriattir tawh a ni.

November 25 hian munipicipal corporation, municipal council 13 leh Nagar Panchayat parukah inthlan hi neih a ni ang.