Meghalaya birth rate national rate aiin sang

Meghalaya birth rate chuan nasa taka hma sawnin national average aiin a sang tawh zawk a, hetih lai hian infant mortality rate pawhin hma a sawn ve mek tih Thawhlehnia report tihchhuah chuan a tarlang.

National Health Profile 2018 data chuan rampumah birth rate, death rate leh natural growth rate, 1991 leh 2016 chhung khan a tla­hniam tih a sawi.

2016 khan India chuan mi 1000 zelah birth rate chu 20.4 a nih thu tarlan a ni a, date rate erawh 1000 zelah 6.4 a ni thung a ni. Natural growth rate chu 1000 zelah 14 a ni ve bawk.

Birth rate, death rate leh natural growth rate hi thingtlang lamah khawpui lam aiin a sang zawk niin report chuan a tarlang bawk a ni.

Meghalaya bikah hian birth rate hi 2014 khan mi 1000 zelah 24.1 a ni a, natioanla average erawh 21 a ni thung. 2015 leh 2016 khan 23.7 a ni ve ve thung a, hetih lai hian national average-ah chuan 20.8 leh 20.4 a ni ve thung.

Zirchianna chuan naute thi zat pawh a tlem sawt hle tih a tilang a, 2015 khan Meghalaya bikah hian infant mortality rate chu naupiang 1000 zelah 42 a ni a, national average erawh 37 a ni thung. 2016 khan national average-ah 34 a nih laiih Meghalaya-ah erawh 39 a ni thung. Hetih lai hian thingtlang leh khawpui anga chhut chuan infant mortality rate hi a la inthlau hle a ni.

National Health Profile 2018 data chuan State Medical Council-a allopathic doctor in ziaklut zat chu 2016 khan 25,282 a nih laiin 2017-ah chuan 17,982 an nih thu a tarlang bawk.