Nagaland: CCSU in GITI prin­cipal ni 10 chhunga thlak turin ngiat

Confederation of Chang Students’ Union (CCSU) chuan Government ITI, Tuensang-a Principal chu ni 10 chhunga thlak turin an ngiat.

CCSU chuan Director, Directorate of Employment leh Skill Development hnenah lehkha pe in GITI, Tuensang, Principal hna­thawh danah an lungawi loh thu an sawi a, zirlaite leh staff ten an lungawi loh thu an lantir hnuah principal office pawh an kalh thu an sawi bawk.

CCSU chuan principal hi October 2017 aṭang khan a la chawl char char tih an sawi a, zirlaite pawhin study/training material te chu tun academic year chhung hian an la dawng lo tih sawiin October 2017 aṭang khan zirlaite pawhin stipend(scholarship) an la dawng lo tih an sawi a ni.

Lirthei enkawlna tur leh petrol/diesel man pawh academic year 2017-18 chhungin a la awm lo tih sawiin, library-ah pawh lehkhabu a awm mang lo tih an sawi a, zirlaite pawh tun academic session-ah hian supplementary exam form pekchhuah an la ni lo tih an sawi. Hostel pawh tun thlengin a la hman theih loh tih an sawi bawk.

Hemi a nih avang hian CCSU chuan ni 10 chhungin principal thar dah ngei turin an ngiat a ni.