BJP-IPFT sorkar in ruihhlo vanga buaina ti tawp dawn: Tripura CM

Tripura Chief Minister Biplap Kumar Deb chuan Thawhṭanni khan Assembly-ah BJP-IPFT sorkar chuan Tripura-a ruihhlo vanga buaina titawp turin thutlukna an siam tih a sawi.

Deb chuan ruihhlo chu a tlangpuiin Myanmar aṭanga lo kal a nih thu sawiin Mizoram tan tlangin North Tripura district-a Damcherra-ah chawhluh ṭhin a nih thu a sawi a ni.

Treasury bench mem­ber Sushanta Chowdhu­ry-a zawhna chhangin Chief Minister chuan sor­kar in khuh damdawi, ganja, heroine leh brown sugar a dona chuan ni 100 chhungin rah ṭha tak a chhuah hman tih a sawi bawk.

Ruihhlo dona kalpui mek hi Tripura chu ruihhlo awm lohna state-ah siam a nih hma chuan an chhunzawm dawn tih a sawi a, tunhnaiah ruihhlo avangin mi 97 an man tawh thu a sawi. Deb chuan Ganja kg. 12,035 , khuh damdawi bottle 50,116 leh heroine leh brown sugar gm. 564.4 an man tawh tih a sawi bawk a ni.