Neiphiu Rio-a'n expo centre hawng

Nagaland Chief Minister Neiphiu Rio chuan Nilaini khan ‘Made in Nagaland’ expo centre, Nagaland Civil Secretariat, Kohima a mi chu a hawng.

He centre hi Naga entrepreneurs tana mel lung pawimawh tak niin, YouthNet Nagaland leh state sorkar ṭangkawpin ‘Impact 5000 by 18’ campaign’ an kalpuina hnuaiah hawn a ni.

‘Made in Nagaland’ expo centre hian entreprenuers hrang hrang, shawl, mekhela, kekawr, craft, tle­reuh, food product, sahbawn, phei­khawk leh a dangte a huam a ni.

Chief Minister chuan YouthNet hmalakna chu fakawm a tih thu a sawi a, state sorkarin entreprenuership leh industry sector chawisan a duh thu a sawi bawk. Rio chuan Industrial policy thar an ngaihtuah mek thu a sawi a, sorkar chuan tunhnai lawkah khan Investment & Development Authority of Nagaland an din thu a sawi bawk.

YouthNet director Lezo Putsure chuan ‘Impact 5000 by 18’ chu Naga entreprenuers ten an chhawr ṭangkai ngei a beisei thu a sawi a, Nagaland expo centre chuan hmasawnna a thlen ngei a rin thu a sawi a ni.