Shillong-a VVIP helipad siam hi sum khawhralna a ni : PAC

Meghalaya Legisla­tive Assembly-a Public Accounts Committee (PAC) chuan 2006-2007 inkara Umsawli-a IIM Shillong campus-a helipad siam chu sum khawh­ralna mai a nih thu an sawi.

PAC chairman, Char­les Pyngrope chuan Ningani khan state PWD chuan cheng nuai 42.87 sengin VVIP helipad IIM capus-ah an siam thu sawiin helicopter pakhat chauh ṭumna tur atana hetiang zat zat sum sen chu sum khawhralna mai a nih thu a sawi uar hle.

PAC member, Hi­malaya Shangpliang chuan khatih hunlaia Union HRD Minister in IIM Shillong campus nghet tur lungphum a phum dawn vang maia siam a nih thu a sawi. Tunah phei chuan he helipad hi a awm tawh loh thu sawiin, he helipad dinna hmunah hian IIM hian building an sa daih tawh niin a sawi.

PAC member tho Zenith M Sangma pawhin helipad chu Shillong mipuite tan ṭangkai taka hman a nih theih lai a, ni khat chauh hman a nih hnua tih riral leh mai a ni chu uihawm a tih thu a sawi ve bawk.