AP : State congress-in rorelna dik kalpui har vangin BJP dem

Arunachal Pradesh Congress Committee (APCC) chuan BJP sorkar chu state chhungah dan leh thupek an kenkawh ṭhat loh vanga an dem thu sawiin, Chief Minister Pema Khandu pawh bang se an duh thu an sawi.

APCC chuan Toko Tame thah a nih chungchangah pawikhawitu an hum tih an sawi. Nikum September thlaa government higher secondary school leh Jawahar Navodaya Vidyalaya Tawang inkara buaina chhuah hnu lawka bo ta, a hnu lawka a ruang ṭawih ṭeuh tawh chhar a nih chungchang chu chhuichiang duh loah an puh bawk.

APCC chuan Tame chhungte an tawrhpui thu leh tualthahna ruahman lawka a awm chu an dem thu an sawi a, he pawikhawihna kaihhnawihah hian mi 12 man an nih thu leh a hnu lawka chhuah an nih leh thu sawiin, engmah chhuichianna a awm zui loh thu an sawi. A chhui tura ruat officer-in-charge te pawh sawnchhuah vek an nih thu sawiin, hei hian sorkarin pawikhawitute a chhanhim tih a tilang chiang hle niin an sawi.

Congress chuan hemi case hi CBI kutah hlan tura an phut thu an sawi bawk.