Hmeichhe dinhmin chawisanna turin hmalak a ni dawn : Assam Chief Minister

Assam Chief Minis­ter Sarbanada Sonowal chuan Nilaini khan Kana­klata Mahila Sabali­ka­ran Achoni (KMSA) tlang­zarhin state sorkar chuan hmeichhe dinhmun chawisanna turin theihtawp a chhuah dawn tih a sawi.

Sonowal chuan hmei­chhia te chu hmahruai tura fuih an nih a, zah tura inzirtirna a awm a nih chuan society-in hma a sawn tihna a nih thu a sawi.

Assam State Rural Livelihood Mission (ASRLM) leh Pancha­yat bakah Rural Develop­ment Department ten Tinsukia-a ‘Mahila Samaroh’ 2018 an buat­saihah thu sawiin, Sono­wal chuan Kanaklata Ma­hila Sabalikaran Acho­ni pawh chu state-in finan­cial independence an neih theih nana tlangzarh an nih thu a sawi bawk.

CM chuan he scheme hnuaiah hian a thawh­khatna atan women self-help group (SHG) hnuaiah nuai 1.26 ṭanpuina an pek phawt dawn thu a sawi a, a thawh hnihnaah nuai khat dang pek an ni leh dawn tih a sawi bawk.

Sonowal chuan Prime Minister Modi chuan hmeichhiate dinhmun a ngaihpawimawh thu a sawi bawk a, state sorkar pawhin hmeichhia ten lehkha zir nachang an hriat theihna tur atan nasa taka an thawh thu a sawi bawk.