Shillong-a Sweeper Lane-a survey kalpui dan rinhlelhawm : SKNSKBH Secretary

Meghalaya-a Synjuk Ki Nongsynshar Shnong Ka Bri Hynniewtrep (SKNSKBH) Secretary R.L. Blah chuan Inrinni khan Shillong Municipal Board in Them Iew Maw­long-a sweeper lane-a Sikh Community te in survey-a neih laia a kalhtir chuan dan loa cheng an nihzia a tilang niin a sawi.

Blah chuan dan ang taka awm chu ni se muni­cipal board-te chu ṭha takin an thawhpui ang, a ti bawk. Board an thawhpui duh lo chuan dan anga cheng an nih lohzia a tilang chiang hle a ni, a ti bawk.

Blah hian Inrinni khan hemi chungchangah hian Deputy Chief Minister leh chairman of the High Level Committee (HLC) ni bawk, Prestone Tyn­song chu a chennaah a hmu nghe nghe a ni.

SKNSKBH secretary Them Iew Mawlong aṭanga sawnchhuak turin sorkarin thutlukna a siam a nih pawhin an sawibuai thei lo a ni, a ti.