Tripura-ah Journalist-in beih tawk

Tripura-a sorkarna siamtu Bharatya Janata Party thlawptute chuan Inrinni khan journalist pahnih an bei niin police report chuan a tarlang.

West Tripura leh Unakoti district police-te chuan heng journalist te hi Narayan Dhar leh Priyatosh Das an nih thu an sawi. Dhar(55) hi West Tripura-a Mohanpur-ah Daily Desher Katha correspondent a ni a, Das hi Unakoti district-a Kailashahar khuaah Focus Tripura TV channel correspondent a ni thung. An pahnih hian state khawpui Agaratala damdawi inah enkawl mek an ni.

Daily Desher Katha Editor, Samir Paul chuan Dhar-a beitute hian a press id card leh a pawisa bakah a document ṭhenkhat te chu an lak bosak tih a sawi a, police hnena a report a nih chuan a chhungte thahsakah an vau bawk tih a sawi. Das erawh hi chu BJP worker pahnihin vawk vulhna farm-ah ko chhuakin farm an neih theihna atana a puih duh loh avangin mi 20 velin an sawisak rawn nia report a ni bawk.

Inrinni-a journalist pahnih beih an nih bakah hian June 18-ah pawh khan journalist tho, Suman Debnath chu beih a lo ni tawh bawk a ni.