Manipur-a Indo-Myanmar ramri buaina chifel thuai ni dawn- Rijiju
Union Minister of State for Home Affairs, Kiren Rijiju chuan Manipur-a Indo-Myamnmar ramri buaina chu chinfel thuai a nih dawn thu sawiin, India in a ram chin inches khat pawh a hloh dawn lo tih a sawi.
Kiren Rijiju chuan chuan ram pahnih inkarah ramri buaina a chhuak a nih chuan stakeholder-te biak an nih hnuah buaina chinfel dan an ngaihtuah thuai dawn tih a sawi bawk.
Tunhnaia Indo-Myanmar ramri buaina chungchang, border pillar no.81 awmna km thum dawna sawn India ramchina hmuh chungchang pawh foreign ministry in an chingfel dawn tih a sawi.
Kiren Rijiju hian kar hmasa Zirtawpni leh Inrinni khan Manipur hi tlawhin venhimna kalpui dan a enfiah a ni.
MoS chuan Indo-Myanmar border chungchangah hian buaina a awm tur a ni lo tih sawiin ram pahnih te hian ramri-a pillar dah chungchangah hian memorandum of understanding an ziak tih a sawi. A tak takah chuan India chuan a ram chin engmah a hloh lo tih sawiin, buaina tur a awm lo, a ti.
Chief Minister pawh ramri chungchang hi a sawipui tawh thu sawiin, zirchianna pawh neih thuai a nih dawn thu an sawi bawk a ni.
India leh Myammar hian ramri km 1623-a thui an inṭawm a, Manipur- km 398, Arunachal Pradesh -km 520, Nagaland -km 215 leh Mizoram -km 510-ah te an inri a ni.