Sikkim Krantikari Morcha (SKM) in SU-ah student reservation ngiat

Sikkim Krantikari Morcha (SKM) student wing chuan Sikkim University-ah tualchhung zirlaite tan reservation an ngiat thu sawiin, hna lak chungchangah pawh reservation an ngiat thu an sawi.

Sikkim University hi Central University a ni a, Act of Parliament hnuaiah July 2, 2007 khan din a ni.

SKM students’ wing executive chuan Pathian­ni khan press conference-ah an thil ngiat hi sawi chhuakin zirlai zingah Sikkimese an tlem thu leh hna thawktu tam ber chu Sikkim mi ni lo an nih thu a sawi.

Sikkim University-ah hian Sikkimese tan reservation a awm lo tih sawiin, zirlai state pawna lehkha zirna nei lo te pawhin anmahni state university-ah ngei pawh seat an hmu thei lo tih a sawi. Zirlai zingah pawh Sikkimese aiin state pawnlam mi an tam zawk tih a sawi a ni.

Sorkar in an thil ngiatna kawngah hma a lakpui loh chuan Sik­kimese zirlaite aiawhin chak takin an din dawn thu a sawi bawk.

State sorkar chuan issue dangah chuan rang takin Article 371F an hman vat ṭhin thu sawiin, Sikkim University-ah hian Sikkimese tana reservation siamna tur hian Article 371F hi eng vanga hmang vat lo nge an ni tih a zawt. Mi rethei te tan phei chuan a pawimawh hle tih sawiin politics inhnamhnawih a ngai a ni, a ti.

Sikkim University chu Sikkimese zirlaiten ṭangkai taka an hman tura din a nih thu a sawi bawk a ni.