Arunachal zirlai in UN Youth Assembly-ah India ai awh dawn

Arunachal Pradesh State Coordinator Bharat Chatra Sansad(BCS), Banta Natung chu United Nation Youth Assembly New York, USA-a neih turah India aiawh tura thlan a ni.

United Nation Youth Assembly Session vawi 22-na hi New York, USA-ah August 6 aṭanga 17 chhung hian neih tur a ni a, he hunah hian Arunachal Pradesh zirlai an vawikhat telna tur a ni bawk.

Permanent Missions to the United Nation in phalna in Friendship Am­bassadors Foundation chuan Youth Leaders-te Youth Assembly tur hi a ruahman a, UN agencies, civil society, corporation ṭhen­khat in an thlawp bawk a ni.

Convention kar khat chuang neih turah hi US hmun hrang hrangah neih a ni dawn a, Social Venture for Sustainable Development Seminar chu New Jersey-ah neih a ni dawn laiin, 22nd Session of The Youth Assembly chu New York khawpuiah neih tur a ni thung a, Global Development Leadership Seminar chu Washington DC-ah neih a ni thung ang.

Natung chuan an state zirlai pawl AAPSU, a zirna NERIST, a state leh a ram ai a awh thei tur chu lawmawm a tih thu a sawi a, khawvel pum huap anga a ram ai a awh thei tur chu a inchhuan thu a sawi bawk.

Natung hi Students Union of NERIST (SUN) President hlui a ni a, kumin January thlaa India Student Parlia­ment, Pune-a niehah khan NERIST ai a awh tawh a, 2018-19 chhunga state coordinator turin thlan zui a ni.