Tripura CM-in UAPA hmanga thubuai siamsak Ennawn leh turin Police hotu a hriattir

Tripura chief minister Biplab Kumar Deb chuan Panisagar-a buaina chhuak kaihhnawiha Unlawful Activities (Prevention) Act (UAPA) hmanga thubuai siamsakte chu ennawn leh turin director general of police (DGP) VS Yadav a hriattir.

Tripura police-te hian Panisagar buaina chungchangah thu dik tawk lo leh boruak tha lo thleng thei zawnga thu thehdarh a puh, mi 102 te chu thubuai a siamsak tawh a ni. An zingah hian lawyer pathum leh journalist-te pawh an tel.

Chief Minister-in hriattirna a pek hnuah, DGP chuan assistant director general of police, crime branch hnenah case-te hi ennawn a, report thehlut nghal turin a hrilh zui ve nghal a ni.