Tripura: Agartala Airport hming thlak dawn vangin leilung fate an lawm

Tripura-a Agartala Airport chu Maharaja Bir Bikram Manikya Kishore Airport tih a nih tawh dawn avangin Tripura leilung fate chu an lawm hle.

Maharaja Bir Bikram Manikya Kishore hi Tripura lal hlui a ni a, sorkar laipui chuan an lal hlui hriatreng nan leh a hnathawh te avanga chawimawi nan Agartala Airport hi a hmingchawiin an thlak dawn ta a ni.

Union Cabinet chuan Prime Minister Narendra Modi kaihhruaina hnuaiah Airport hming thlak tur hian thutlukna Nilaini khan an siam a, Tripura leilung fate hian hun rei tak aṭang tawh khan Airport hi an lal hming hluia thlak tur hian ngenna an lo thlen tawh a ni.