Tripura Education minister in surprise vist nei

Tripura Education Minister Ratan Lal Nath chuan Thawhlehni leh Nilaini khan state capital Agartala-a school ṭhenkhatah surprise visit a nei.

Ram Lal Nath hian sorkar school-ah inrelbawl dan a ṭha lo hle nia thu a dawn fo avangin surprise visit hi a nei a ni. Thawhlehni khan school pahnih Bodhjung School leh Sishu Bihar School tlawhin Nilaini khan Bijoy Kumar Girls’ H/s School a tlawh leh bawk.

Minister hian Bijoy Kumar Girls’ H/s School-ah zirtirtu muthlu leh staff room-a titi mai mai a man nual a, hemi avang hian a lung a awi lo hle a ni. Zirtirtute chu media mite leh an headmistress hmaah nasa takin a hau nghe nghe.

Zirtirtute an inthlahdah avang leh an regular loh avang chuan a lungawi lo hle a, zirtirtute chu vau zui nghalin nitin school-te kalphung chu a enfiah theih dawn loh avangin a aiawh a tirh thuai dawn thu a sawi nghal bawk.

Minister hian zirlaite titipuina hun pawh a hmang nghal bawk a ni.