Manipur ramthuam man case NIA in la

National Investigation Agency (NIA) chuan Nilaini khan Manipur mi pahnih ralthuam an kawl avanga man te case chu an chhui zui dawn tih an sawi.

NIA chuan Nilaini khan Arms Act hnuaiah July 1 khan case an ziahluh tawh thu sawiin Union Home Ministry thupek anga hma la an nih thu an sawi bawk.

Case pangngai tak hi chu May 22 khan Ma­ni­pur-a Ukhrul Police Station-ah ziahluh a ni tawh a, May 21 khan Assam Rifles te chuan lir­thei an dapnaah ralthuam eng emaw zat handbag aṭangin an man a ni.

Assam Rifles te hian an thudawn bawhzuiin May 21 khan Lower Hung­dung bulah Ukhrul aṭanga Imphal pan Maruti Gypsy pakhat an dap naah Ger­man rifle pahnih, semi-automatic shotgun pakhat leh pistol pathum bakah silai mu eng emaw zat an man a ni.

Motor-a chuang mi pahnih Honpam Chithung leh Mathu Manohar te chu an man nghal bawk.