Meghalaya zirlai ten Assam-ah medical seat 10 nei dawn: Hek

Meghalaya Health Minister, A.L. Hek chuan kar liamta Zirtawpni khan Assam sorkar in Meghalaya zirlaite tan seat 10 chauh a pek dawn thu sawiin, quota chu thlak danglam a ni dawn lo tih a sawi.

A.L. Hek chuan Assam Health Minister Himanta Biswa Sarma nen an inbiak thu sawiin Sarman chuan quota chu an thlak danglam dawn lo tih a sawi thu a sawi a ni. Hek chuan a hmaa Assam sorkar hnen aṭanga an lehkha dawn, Assam-a quota 10 an neih ṭhinah seat hnih chiah an nei tawh dawn tih lehkha an hmuh velah Biswa Sarma chu a biak thu sawiin, Sarma chuan quota chu Meghalaya in anmahni puala medical college an neih hma chu an ti danglam dawn lo tih a lo hrilh tih a sawi.

Kum kalta September thla khan Supreme Court chuan Assam sorkar chu seat 27 a neih zinga 10 chu Meghalaya tana dah turin thu a lo pe tawh bawk a ni. Assam hian a hma aṭangin Meghalaya tan hian medical seat 10 - Assam Medical College and Hospital leh Gauhati Medical College and Hospital-ah seat li ve ve leh Silchar Medical College-ah seat hnih an pe ṭhin a ni.