Manipur-ah railway bridge pier sang ber tur siam mek

Indian Railways chuan Manipur-a km 111-a thui Jiribam-Imphal railway project thawh mekah, khawvela railway bridge pier sang ber tur a siam tel dawn.

Khawvela railway bridge pier sang ber ni mek chu Montenegro-a Mala-Rijeka viaduct niin, meter 139-a sang a ni. Manipur ami hi meter 141-a sang a ni dawn a ni.

Project chief engineer, Sandeep Sharma chuan lei dawh hna hi kum 2023, December thlaah zawhfel tum a nih thu a sawi a, lei dawhna atan bik hian cheng vaibelchhe 374 ruahman a ni tih a sawi bawk. He lei hi Manipur khawpui, Imphal khawthlang lam km 65 vela hla, Noney district-a Marangching khuaah siam a ni.