Sikkim 'State Icon' atan Sandhya Gurung ruat

Sikkim state election department chuan mipuite hnena Election Commission of India (ECI) thuchahte puangzar leh zirtir turin tun hnaia Dronacharya Award dawngtu, Sandhya Gurung chu 'State Icon' atan a ruat.

Chief electoral officer (CEO) D Anandan leh election deparment-a official-te chuan coach Sandhya Gurung hi boxing lama International event-a result ṭha tak an neih theihna kawnga infiammite training peknaa a thawh hlawk avangin an chawimawi a, Boxing Federation aṭanga Dronacharya Award dawngtu hmasa ber a nih avangin an lawmpui thu an sawi bawk.

CEO chuan Gurung chu Sikkim ṭhalaiten an ngaisang hle tih sawiin, coach a nih anga a hna bakah State Icon a nihna hmang chuan social service lamah pawh ṭhalai zingah zau zawkin hna a thawk thei dawn a ni, a ti.

Sandhya Gurung hi boxing lamah national level-ah bronze medal a la tawh a, kum 2008 khan coaching lamah kalin, national camp coach tura thlan a ni zui a ni.