Assam-in microfinance loan waiver scheme siam

Assam chief minister Himanta Biswa Sarma kaihhruai BJP sorkar chuan inthlan dawna an lo tiam tawh angin, microfinance loan waiver scheme a siam, he scheme hi state chhunga hmeichhe nuai 24 velin an chhawr thei dawn a ni.

CM Sarma chuan Assam Micro Finance Incentive and Relief Scheme 2021 (AMFIRS) siam a nih thu puangin, a bul ṭanna atan Sonitpur district-a he scheme hamṭhatna dawng tur mi panga hnenah cheque a hlan nghal bawk.

He scheme hnuaiah hian hmeichhe nuai 24 vel chuan an loan ba rulhna turin incentive, Rs 16,000 - Rs 25,000 emaw, a balance la awm zat emaw an dawng thei dawn a ni. A thawh khatnaa incentive hi hmeichhe nuai 11 hnenah pek an ni ang.

September 30 khan Assam cabinet chuan hmeichhe rehtei zawk, an loan lak rul tla thei lote puihna turin Rs vaibelchhe 1,800 an lo pawm tawh a ni.