Manipur : DM university zirlaiten VC office suasam

Manipur-a Dhanamanjuri University zirlaite chuan Thawhṭanni khan third leh fourth-semester examination result tichhuah hun tihkhawtlai a nih avanga lungawi loin, vice chancellor office an luhchilh a, administrative block an suasam zui bawk.

Zirlaite chuan vice-chancellor hi ṭha taka dawr an tum a, mahse an punkhawm hnuah inthunun thei loin he buaina hi a chhuak ta niin an sawi. Hetiang thil thlen tir hi an tum lo a, thupha an chawi tir tih an sawi.

Third leh fourth semeter examination hi August thlaa neih kha a ni a, an result leh mark sheet te tihchhuah a la nih loh avangin UGC scholarship dil tumte tan thehluh theih hun tawp, November 30-ah pawh an thehlut thei lo a ni. Mahse university lam thuneitute chuan scholarship form thehluh theih hun hi pawhsei sak an lo tiam a ni.