Nilotpal-Abhijit-te sawisak hlum an nih thla khatnaah cycle rally nei

Assam-a Karbi Anglong-a Guwahati tlangval pahnih, Nilotpal- Abhijit-te mipuiin an sawisak hlum champha thla khatna chiah, Inrinni khan khawpui pariatah he thil thleng hriatreng nan hian Cyclothan (Cycle rally) neih a ni.

Cyclothan hi Guwahati, Delhi, Bengaluru, Goa, Shillong, Chandubi leh Mumbai bakah Russia-ah te neih a ni a, thla khat liamtaa mipuiin Nilotpal- Abhijit an sawisak hlum hriatrengna a nih mai bakah mipuiin mi an sawisak hlum duh lohna lantirna a ni bawk.

Zirtawpni-a press conference neihah Justice for Nilotpal and Abhijit Team chuan Nilotpal-te ṭhiandun hriatrengna a nih mai piah lamah rorelna dik a lanchhuah theihna atana cycle rally hi buatsaih an nih thu an sawi a, press conference hi Guwahati-ah neih a ni.

Coordinator zinga mi Chaudhury chuan khawpui pariat-ah cylce rally hi neih a nih dawn thu sawiin, zing dar 7:30-ah neih a ni dawn tih a sawi.

June 8 khan Karbi Anglong-ah hian social media-a thu dik lo darhah naupang rik bo ching nia puh an nih avangin sight seeing a kal Guawahti tlangval pahnih Nilotpal- Abhijit-te chu mipuiin an sawisa hlum a ni.